Elkarlan sarien xedea da saria ematea gizarteko erronkak eta beharrak asetzeko balio publiko partekatua sustatzen duten proiektuei eta diseinu- eta ezarpen-faseetan pertsonak eta kolektiboak ahalduntzeko prozesuak abiarazteko gaitasuna duten proiektuei. 2016ko edizioan, REAS Euskadik Merkatu Soziala ekimenagatik jaso zuen sari hori.
Nabarmenduak
Ziurgabetasunez eta aldaketaz beteriko urtea izaten ari da 2020a. Covid19ak eragindako mundu mailako pandemiak gure bizitzak goitik behera eraldatu ditu, ondorio sozial eta ekonomiko larriak utziz.
Gauza bera gertatu zaigu aurtengo azokarekin. Oraindik hurbil sentitzen dugun udaberriko konfinamendua, osasun-murrizketa aldakorrak eta beste konfinamendu bat izateko arriskua direla eta, aurtengo edizioa birtualki egitearen aldeko apustua egin dugu.
Pandemiaren eta ondoratzen ari den sistema ekonomikoaren aurrean, badaude alternatibak!
Azken urteotan, REAS Euskadiren ekintzaren funtsezko elementu bat izan da tresnak, ekintzak eta abar identifikatzen saiatzea, bizitzaren zerbitzura dauden ekonomiak eraikitzen laguntzeko, eta ez kapitalaren eta irabazien zerbitzura daudenak, bizitza gure praktika eta erakundeen erdigunean jartzen laguntzeko. Gure ustez, horretarako, ezinbestekoa da emakumeentzat eta gizonentzat bizigarriak diren erakundeak, egiturak eta funtzionamendu-moduak eraikitzea. Begirada ez-patriarkaletatik eraikitako antolakundeak, euren jardueraren erdigunean “beste modu” horiek, ekitatea eta justizia jartzen dituztenak.
Jardunaldi honetan, hausnarketak, materialak eta tresnak partekatu nahi ditugu, inspirazio-iturri izan daitezen eta gure erakundeak feminismoan eraldatzeko prozesu honetan lagun gaitzaten.