— REAS EUSKADI —
Bizigarri
Bizigarri gure antolaketa-eraldaketa feministaren prozesuari eman diogun izena da.
Ikuspegi feminista sarearen egituran, funtzionamenduan eta proiektuetan txertatzeko.
Prozesu hori plan estrategiko eta operatiboetan gauzatzen da, helburu horretara bideratutako ekintzak garatuz.
I. Bizigarri Plana REAS Euskadin eraldaketa feministarako prozesu kolektibo baten abiapuntua izan zen. Gure erakundeak berrikusteko, desberdintasunak zalantzan jartzeko eta praktika horizontalagoak, zaintzaileagoak eta ESSren printzipioekin koherenteagoak eraikitzeko bidea.
Bidaia kolektibo bat, REAS Euskadi erakunde bizigarrien sare gisa sendotzeko: feministak, erantzukideak eta jasangarriak. II. Bizigarri Planak parte hartzeko, lan egiteko, zaintzeko, komunikatzeko eta interkooperatzeko modu berriak bultzatzen ditu, gure egiturak ikuspegi feminista intersekzionaletik eraldatzeko.
