REAS Euskadiren lanaren zati handi bat gizarte-sentsibilizazioaren esparrura bideratzen da, eta, bereziki, ekonomia sozial eta solidarioarekin lotutako gaiei buruzko prestakuntzara.

Oro har, ekonomia sozial eta solidarioaren balioei eta praktikei buruzko sentsibilizazio- eta hedapen-kanpainak egiten ditugu, eta, bereziki, alderdi zehatzei buruzkoak: ekonomia solidario feminista, merkatu soziala, erakunde bizigarriak, auditoria soziala, kontsumo eraldatzailea, ekintzailetza soziala, erosketa publiko arduratsua, etab.

Era berean, gai horiei buruzko ikastaroak, tailerrak eta prestakuntza-materialak antolatzen ditugu, edo beste erakunde batzuekin lankidetzan aritzen gara.