Kategoriak
Merkatu Soziala REAS Euskadi

Joan den ostiralean, ekainak 24, hainbat match egin genituen! Sareko enpresa eta erakunde ezberdinetako 60 pertsona baino gehiago elkartu ginen lehenik Harrobia Ikastolan eta gero Harrobi Plazan Bazkide Eguna 2022 ospatzeko.

11:45etan, lehenengo pertsonak iristen hasi ziren, oraindik lotsati samarrak, ez baitzekiten hurrengo orduetan beste erakunde batzuekin matchak egingo zituzten ala ez. Baina berehala hasi zen giroa animatzen eta berotzen, oparitxo pare bat besapean hartuta (ESSaren printzipioen karta berria eta Peñascal Kooperatibak ekoiztutako sarearen 25. urteurreneko giltzatakoa) jendea Harrobia Ikastolak lagatako aretoan sartzen joan zen, eguneko hainbat jarduera burutzeko.

Mundu guztia iritsi zenean, Ione Irazabal Pabellón 6rekin lotutako aktorearen eskutik hasi genuen topaketa. Shakespeare eta Eduardo Galeanoren laguntzarekin, ongietorri ederra egin zigun, eta ukelelelearekin “gallo rojo gallo negro” abestuz itxi zuen, mundu guztia umorez jarriz eguneko lehen erronkari aurre egiteko: Alternatiben Jokoa telebista saioa.

Erreka Multimedia kooperatibako lankideek Alternatiben Jokoa telebista-programaren bigarren edizioa antolatu zuten, non 6 ikuslek parte hartu zuten, eta ekonomia solidarioarekin, sarearekin, erakundeekin eta printzipioekin erlazionatutako 20 galderari erantzun behar izan zieten, ez zen lan erraza izan!

Bigarren jarduera, bertaratutako pertsona guztiok parte hartu genuena, Merkatu Sozialetik (MES) ihes egitea helburu zuen ginkana bat zen. Bai, MESetik ihes egin, izan ere, “kapitalak” gure alternatiba funtzionatzen ari den moduarekin ados ez zetorrenez, denok barruan giltzapetu gintuen, “gure gauzak” egiten gera gintezen. Gure helburua, jakina, morroiloa irekitzea zen, mundu guztia Merkatu Sozialean sartu eta irten ahal izateko.

Behin talde guztiok MESetik irtetea lortu genuenean, Harrobi Plazan elkartu ginen, eta han catering begetariano bat dastatu genuen Sustraiak Catering gizarteratze-enpresaren eskutik, Betok musika jarriz giroa girotzen zuen bitartean.

Egun osoa (H)ari – Contando Contigo kooperatibako lankideek grabatu zuten, eta bertaratutakoei elkarrizketak egiteko aprobetxatu zuten. Egun borobila, beraz, non hainbat match egin ziren ESS barruan.