Elkarlan sarien xedea da saria ematea gizarteko erronkak eta beharrak asetzeko balio publiko partekatua sustatzen duten proiektuei eta diseinu- eta ezarpen-faseetan pertsonak eta kolektiboak ahalduntzeko prozesuak abiarazteko gaitasuna duten proiektuei. 2016ko edizioan, REAS Euskadik Merkatu Soziala ekimenagatik jaso zuen sari hori.
2020ko edizioan, 34 ekimen aurkeztu dira guztira, eta horietatik 4 REAS Euskadiko erakunde bazkideek sustatu dituzte. Azaroaren 13ra arte bozketa publikoa egiteko epea zabaldu da, eta pertsona bakoitzak bere botoak eman ahal izango dizkie 34 ekimenetatik gehienez ere 4 ekimeni esteka honetan.
REAS Euskadiko erakunde bazkideen ekimenak honako hauek dira:
- (3. zkia) Sustraiak Habitat Design Koop. Elk. Txikia -ren Gestión agroecológica del territorio
- (4. zkia) Ekhilur S. Coop. -ren Ekhilur
- (10. zkia) ONGD Mugarik Gabe -ren Memoria Eraikiz
- (14. zkia) Urbanbat Oficina de Innovacion Urbana Koop. Elk. Txikia -ren URBANBATfest. Un laboratorio cultural sobre las transformaciones urbanas
Ekimen horiek bozkatzera animatzen zaituztegu, erakusten baitute ekonomia solidarioaren esparruan proiektu parte-hartzaileak eta sozialki berritzaileak garatzen direla.
