Ofiziala da jada, REAS Euskadik gure 27. urtebetetzea ospatuko dugu 2023an, sekulako festa batekin:
Non? Bilborock (Bilbao)
Noiz? Urtarrilaren 27an, 19:30etik 24:00etara, edo gorputzak eutsi arte.
Ez dugu lau horma horien artean gertatuko denari buruzko argibide askorik eman nahi, baina seguruenik barreak, negarrak, dantzak, tripa betetzea eta gozamen itzela izango dituzu.
Ekitaldia ondo antolatu ahal izateko, eta inori ezer falta ez dakion, oso garrantzitsua da aldez aurretik jakitea zenbat pertsonak parte hartuko dugun. Beraz, izena ematera animatzen zaituztegu, hurrengo galdetegia betez (ez utzi azken unerako mesedez). Nahi dituzuen lagun guztiak ekar ditzakezue, baina eurak ere apuntatu.
* Bizkaian bizi ez bazara: pertsona guztiak ekitaldira joatea erraztu nahi dugu, eta, beraz, sareko kideren baten etxean “ohe solidario” bat aurkitzen saiatuko gara.
27an ikusiko dugu elkar 27ak ospatzeko!
