2025ean, REAS Euskadin mundu akademikoarekin lankidetzan jarraitu dugu, Ekonomia Sozial eta Solidarioa (ESS) unibertsitateko ikasle eta irakasleengana hurbilduz, hausnarketa, elkarrizketa eta pertsonengan eta jasangarritasunean oinarritutako eredu ekonomikoak praktikan jartzeko espazioak irekiz. Hona hemen aurtengo mugarri nagusietako hiru:
1. Ikaskuntza eta Zerbitzua Sarrikoko Fakultatean: ekonomia egiteko begirada berriak
Bigarren urtez, Sarrikoko (UPV/EHU) Ekonomia Fakultateko Asier Arcosek eta Amaia Garciak Ikaskuntza eta Zerbitzu proposamen honetan nahastu gintuzten (gustura beti). Metodologia horri esker, ikasleek gizarte-erakundeei lotutako benetako erronkei heldu ahal izango diete. Eta, oro har, aukera ematen du esploratzeko unibertsitatetik nola identifika daitezkeen beharrak, irtenbideak proposatu eta balio soziala eman. Esan dezakegu lan horretan hainbat esperientzia eta jakintza (ikasleak, irakasleak, gizarte-erakundea) hitz egiten dutela, eta trukaketa horizontala eta ikaskuntza kolektiboa erraztuko duten harremanak sortzen saiatzen direla.
REAS Euskadirekin lan egin duen aurtengo taldea Elaia Errazquin Sanz, Eneko Lombraña Vivanco, June Ghiro Díaz, Lander Aizpuru Unzueta eta Nora Carranza Fernández de Arroyabek osatu dute. Iaz identifikatutako gaia lantzen jarraitu dugu: enplegu duin eta kalitatezkoa lortzeko baldintzak eta ESSrekin duen lotura. Gai horri buruz hausnartu ahal izan duen focus group bat egin da. Ikasle taldeak espazio horren edukiak, metodologia eta dinamikak definitu ditu, eta gai honetan REAS Euskadiren ikuspegia zabaltzen duten gakoak bildu ditu. Prozesuan zehar, ikasleek Ekonopoloa eta Goiener ezagutu ahal izan zituzten. Eta ESSen printzipioen aplikazio praktikoenean sakondu ahal izan zuten ere. Esperientziaren balorazio oso positiboa egiten dugu, eta uste dugu horrelako proposamenek bide oso interesgarriak esploratzen laguntzen dutela, ESS arlo akademikora hurbiltzeko.
2. Topaketa sareko proiektuekin: Ekonomia Sozial eta Solidarioa Ekintzailetza eta Enpresa Berrikuntza irakasgaian
Negozio Kudeaketako Graduko (UPV/EHU) Ekintzailetza eta Enpresa Berrikuntza irakasgaiaren esparruan, Itsaso Fernández de la Cuadrak gonbidatuta, sareko bost erakundek beren esperientziak ikasleekin partekatzeko aukera izan zuten. Labox Marketing y Comunicación Óscar Cernadarekin; Etikalia, Roberto Cachorekin; M3Arteko Saray Pérez eta Laura Ruedarekin; eta La Tercera Pata Pablo Salekin, mahai-ingurua partekatu zuten. Izarkomek, Iker Garaialderekin, bakarkako aurkezpena egin zuen euskarazko taldean.
Proiektu bakoitzak bere ekintzailetza-prozesu pertsonala eta kolektiboa partekatu zuen, bai eta zein izan zen eta den ESSren printzipioekin lotura. Ikasleek galderak egin ahal izan zituzten, eta ekarpen eta eztabaida interesgarriak egin ziren. Gure ustez, espazio honek aukera ematen du erakusteko ESSk nola proposatzen dituen alternatiba ekonomikoak eta lan egiteko modu kolektiboagoak, zaintzaileagoak eta iraunkorragoak. Eta ekiteko beste modu batzuk badaudela eta horiek unibertsitatean lekua izan behar dutela defendatuz.
3. Esperientziak partekatuz Donostian: “Bidezko Ekonomia ekimen komunitarioetatik” jardunaldia
Azaroan, ESSI Gela Gelaren esparruan, ESF-Economistas sin Fronteras eta Setem Hego Haizea erakundeekin batera antolatutako “Bidezko Ekonomia ekimen komunitarioetatik” jardunaldian parte hartzeko aukera izan genuen. Topaketa horretan, ikuspegi feminista eta jasangarria duten ekimen komunitarioak bultzatzen dituzten emakumeez osatutako Guatemalako AFEDES erakundeko ordezkariek beren esperientziak partekatu zituzten bertaratu zirenekin (ikasleak eta irakasleak): autonomia ekonomikoa, antolaketa kolektiboa eta bizitza erdigunean jartzen duten ekonomia solidarioko praktikak. Espazio horri esker, komunitatearentzako eta komunitateatik ekonomien ideian eta ekoizpen- eta kontsumo-ikuspegi alternatiboetan sakondu ahal izan zen. Galdera garrantzitsuak eta proposamen oso interesgarriak utzi zizkiguten gure ekintzailetza ereduetan txertatzeko.
REAS Euskadin uste dugu unibertsitateak funtsezkoak izan daitezkeela beste eredu ekonomiko bat sustatzeko, gaitasun teknikoak ez ezik, pentsamendu kritikoa, komunikazioa eta konpromiso soziala bezalako trebetasunak ere indartuz. Esperientzia errealen eta prestakuntza akademikoaren arteko elkarrizketak ESS eraldaketa-tresna gisa ulertzea aberasten du.
2025 zubiak sendotzeko urtea izan da REAS Euskadiren eta hainbat esparru akademikoren artean, eta lankidetza indartu dugu, ESS ikasgeletara, unibertsitateko eztabaidetara eta ikaskuntza-praktiketara eramateko. Eskerrak eman nahi dizkiegu ibilbide hau posible egin duten pertsona eta erakunde guztiei — bizitzatik eta bizitzarako beste ekonomia bat eraikitzen jarraitzen dugu!
