Joan den abenduaren 2an, Sendotzen sendotze programaren bigarren networking saioa egin genuen Ekonopoloan, eta hirugarren edizioaren amaiera izan zen ere.
Edizio hau amaitzen ari da…
Saioari hasiera emateko, hirugarren edizioan programa osatu zuten erakundeei diplomak banatu zitzaizkien. Opari gisa, estrobo bat jaso zuten (arraunak eta trainerak lotzen dituen soka), islatuz nola bakoitzak prozesu globalari laguntzen duen eta batera azken 18 hilabetean egindako prozesua eramangarriagoa eta eraldatzaileagoa egiten dela ere.
Tutore taldeak eta erakunde beteranoek beren esperientziak, aholkuak eta “trikimailuak” partekatu zituzten edizio berriko erakundeekin, eta, horrela, erreleboa indarrez hartuko dela ziurtatu zen, Sendotzen esperientziari ahalik eta etekin handiena ateratzeko.
… Aireratzen den beste bat
Goizeko bigarren zatian, bertaratutakoek komunikazio-erronka bati egin behar izan zioten aurre: euskarri komunikatibo bat egin behar zuten (folio zuria), ESS bera ez ezik erakundeen promozio gisa ere balioko zuena. Sarean lan egin zuten, eta 2025eko Auditoria Sozialaren gaia erabiliz, AS 2025: ekonomia sozial eta solidarioko enpresak sasoian daude, hilez hil gure erakundeen osasuna mantentzeko jarraibideak proposatuko zituen urteko egutegia prestatu zuten. “Jarri zure excel pisuak egiten”, “Jarri sormena korrika egiten”, “Altxa gailurra eta aldatu mundua”, “Entrenatu sarean”, “Ospatu zure lorpenak” bezalako aholkuak barne hartzen zituena.
Gainera, networking saio gisa balio izan zuen; parte-hartzaileek Sendotzen programaren bi edizioetako erakundeak ezagutu zituzten eta beren adimen kolektiboa erabiliz lan egin behar izan zuten beren ideia garatzeko.
Atsedenaldian, Natalia Koalak taldeko kidearen urtebetetzea ospatu genuen, eta, gainera, baliabideen grabaketarekin lagundu zigun emaitza erakutsi ahal izateko. Hemen dago:
Urte amaiera oso potentea izango dugu Sendotzen programan, eta laugarren edizioko bigarren modulura arte atsedena hartuko dugu. Ekonopolo Formakuntzaren bitartez konsolidazio prozesurako gai interesgarri berriekin bueltatuko gara! .
