Joan den asteartean, urriak 21, Sendotzen programaren laugarren edizioa aurkeztu zen Ekonopoloan. Sendotzen Ekonomia Sozial eta Solidarioko (ESS) enpresa eta erakundeentzako gure sendotze programa da.
Sei hilean behingo hiru modulutan banatutako urte eta erdian, Sendotzen programak prestakuntza- eta laguntza-ibilbide bat eskainiko du. Ibilbide horretan, parte-hartzaileek beren enpresa-proiektuak indartu ahal izango dituzte ESSren printzipioetatik abiatuta, eta epe luzera finkatzeko eta irauteko estrategiak diseinatu ahal izango dituzte.
Lehen saio honekin eman genion hasiera lehen moduluari, hautatutako 11 erakundeen parte-hartzearekin. Goizean zehar, programaren eskema orokorra errepasatu, tutore-taldea aurkeztu eta proiektuen eta tutoreen arteko esleipena egin genuen. Ondoren, networking gune batez gozatu genuen, non entitateek elkar ezagutu ahal izan zuten, beren proiektuak partekatu ahal izan zituzten eta tutore taldearekin hitz egin ahal izan genuen dinamika parte hartzaileen bidez. Prozesuari buruzko kezka eta itxaropenetan ere sakondu zen. Azkenik, aurrekontuaren tresna aurkeztu zen, programa osoan zehar banakako aholkularitzen ardatz komuna izango dena.
Lehen modulua, proposamenez beteta
Lehen modulu hau — ekimena osatzen duten hiru moduluetako lehenengoa — da beti biziena, laguntza teknikoa eta erakunde parte-hartzaileen arteko loturak sortzea konbinatzea baitu helburu. Bi hilabete eskasean, programak bi networking saio biltzen ditu, hala nola urriaren 21ean egindakoa, elkarren ezagutza eta sinergia posibleen detekzioa sustatzen dutenak: baterako proiektuak, barne kontsumoa edo esparru komunetako esperientzien trukea.
Prestakuntzari dagokionez, azaroa funtsezko bi saiorekin iristen da sendotze-prozesuan dauden (edo dagoeneko finkatuta dauden) erakundeentzat:
- Azaroaren 4an, Lan Politika Feminista eta Denboraren Kudeaketa landuko ditugu.
- Azaroaren 18an, enpresa arduratsuetako produktibitatearen erronkari helduko diogu.
Bi formazioak irekiak eta doakoak dira, eta 👉 Ekonopolo Formakuntza webgunearen bidez eman dezakezu izena
