Lurraldetik ekiteak testuingurua irakurtzea, sareak aktibatzea eta benetako beharrei erantzutea dakar. Saio presentzial honetan, ekintzailetza garapen lokalaren ikuspegitik landuko dugu, lurraldearekiko errotzea jasangarritasunaren eta eraginaren giltza gisa ulertuta.
Lehen zatian, lurraldeak proiektu ekintzaileetan duen zeregina aztertuko dugu, eta ingurunearekin eta Ekonopoloarekin lotura duten proiektuen esperientziak ezagutuko ditugu, praktikan oinarritutako ikaskuntzak partekatuz.
Bigarren zatian, prESStatzen programako parte-hartzaileei soilik zuzenduta, jarduera praktiko bat egingo da, proiektu bakoitza tokiko ingurunearekin nola lotu daitekeen aztertzeko; horretarako, ekimen sozialak, eragileak eta lurraldearen beharrei hobeto erantzuten lagun dezaketen funtsezko elementuak identifikatuko dira.
Nori zuzenduta dago?
- Lurraldearekiko lotura indartu nahi duten pertsona eta proiektuei.
- Garapen lokalean eta hurbileko ekonomian interesa duten ekimenei.
- Ikuspegi komunitariotik eragina sortu nahi duten proiektuei.
Egitaraua
🕙 10:00 – 11:30 | Saio irekia
🕛 12:00 – 13:30 | prESStatzeneko parte-hartzaileentzako saio itxia
Datu praktikoak
📍 Formatua: Aurrez aurrekoa
👥 Hizlaria: Isabel Tomas (Wikitoki)
Zuen zain gaude! Izena hemen eman dezakezu:
