Apirilaren 21ean, 10:00etatik 13:30era, Ekonopolon egingo dugu prestakuntza saio berri bat, Ekonomia Sozial eta Solidarioko (ESS) proiektu eta entitateei zuzendua. Helburua da erakundeen gaitasun komertziala indartzea, euren balioei uko egin gabe.
Ziurgabetasun ekonomikoak eta bezero berriak erakartzeko zailtasunek markatutako testuinguru honetan, erakunde askok sentsazio bera partekatzen dute: saltzea deserosoa egiten zaie. Askotan salmenta zerbait oldarkorrarekin lotzen da, erabakiak behartzearekin.
Hala ere, salmenta ona oso urrun dago irudi horretatik. Izan ere, saltzea honakoa da: proposatzen duguna beste pertsonarentzat benetan baliagarria eta egokia den kontrastatzea. Erronka ez da gehiago saltzea, baizik eta gure bezeroek argi ulertzea gure proposamenak zer eragin positibo sortzen duen.
Zer landuko dugu saioan?
Prestakuntzan ESSko proiektuen estrategia komertziala hobetzeko hainbat gako landuko ditugu:
- Proiektu bakoitzaren diskurtsoa eta balio-proposamena berrikustea, baita lehiakide nagusiekiko bereizketa ere.
- Konturatu gabe sor ditzakegun frikzio-puntuak identifikatzea.
- Bezero berriak erakartzeko argudioak hobetzea, eskuragarri dauden komunikazio kanal ezberdinak erabiliz.
- Aukera komertzialak nola kualifikatu ikastea, alferrik ahalegindu aurretik.
- Komunikazio eta entzute gaitasunak indartzea, bezeroekin harremana hobetzeko.
- “Bai”-era eramaten duten elkarrizketak diseinatzea, pertsuasioaren bidez (salmenta ona) eta ez manipulazioaren bidez (salmenta txarra).
Saioa Aitor Ezkerra Canok emango du, Aken S.Coop-eko bazkide-aholkularia eta 25 urte baino gehiagoko esperientzia duen kontsultore seniorra, erakundeei euren estrategia komertzialak garatzen laguntzen.
Aukera paregabea nola saltzen dugun berriz pentsatzeko, gure balio-proposamena indartzeko eta erosketa erabakiak aktibatzeko, nor garen izateari utzi gabe.
Zuen zain gaude! Izena hemen eman dezakezu:
