Joan den azaroaren 2an, Anagos sareko (Kanarietako REAS) zazpi pertsonak osatutako ordezkaritza bat lurreratu zen Loiun, jakintzak partekatzeko, REAS Euskadiren ekoizpen-esperientziak ezagutzeko eta sarearen beraren funtzionamendua ulertzeko. Azaroaren 5ean itzuli ziren beren lurraldera pozez zoratzen, gu geratu ginen bezala.
Idearian (Madril, 2022ko ekaina) hasi zen bisitaren ideia sortzen. Anagos sareko lankideak, 25 urte baino gehiago martxan daramatzan sarea, REAS Euskadiren antzeko ezaugarriak dituzten erakunde sortzaileekin sortu zena, sarea beste errealitate batzuetara zabaltzeko prozesuan daude, ekonomia solidarioa egiteko beste modu batzuetara, hirugarren sektorearekin hain lotuta ez daudenetara. Prozesu horretatik igaro gara jada REAS Euskadin, eta hori zen, batez ere, hemendik nola kudeatzen ari ginen aztertu eta ikusi nahi zutena.
Lanari ekin genion, eta ibilbide bat antolatu genien, erdi bana ahituta eta asebeteta utzi zituena. Hemen kontatzen dizuegu:
Asteazken arratsaldean Ekonopoloa erakutsi genien eta eurekin bildu ginen sarearen funtzionamenduaz, antolatzen ginen moduaz, kuoten sistemaz, lantaldeez, auditoria sozialaz eta elkarri lotuz joan ziren beste gai batzuez hitz egiteko. Hizketan jarraitu genuen San Frantzisko auzoko jatetxe batean, eta gauerdia eman zigun ESSren enigma guztiak argitu nahian.
Ostegun goizean, Ekonopolora hurbildu ziren berriro, eta, kasu honetan, merkatu soziala nola sortzen ari garen eta ESSn ekintzailetza-hanka guztia nola garatzen dugun jakiteko. Kafe bat hartzeko astirik gabe, Peñascal Kooperatibaren egoitzan plantatu ginen, eta tailer guztiak erakutsi zizkiguten (moda, merkataritza, egurra, klimatizazioa, ostalaritza, …) eta bertan duten jatetxean bazkaldu genuen. Eguna Erosketa Publiko Arduratsuari buruz hitz egiten jarraitu genuen Gizatea eta Setem Hego Haizearekin, eta tabernetan amaitu genuen, Bizigarri prozesuaz eta erakunde bizigarriagoak lortzeko gure estrategiaz hitz eginez.
Ostiral goizean, Zabaltzen Sartu Koopek Berrizen duen tailerrean aurkeztu ginen, eta instalazioak erakusteaz gain, REASeko kide izatearen garrantzia eta kooperatibizatzeko bizi izan zuten prozesua azaldu ziguten. Gosaria eztarrian eta euripean, Bilbora itzuli ginen, oraingoan Fernández del Campo-n dagoen Koopera Store-a bisitatzera. Bertan, ekimen honen irismen handia ezagutu genuen, bai birziklatzen eta berrerabiltzen dituzten arropen tonei dagokienez, bai laneratzeko langileen kualifikazioa hobetzen duten prozesu berritzaileetan egiten duten inbertsioari dagokionez, enplegu arruntean sartzea erraztuz.
Eta abenturari amaiera emateko, akituta baina zoriontsu, bat egin genuen Finatza Etikoak Fundazioaren 20. urteurreneko festarekin. Jai-itxiera hunkigarria izan zen, eta topaketa asko gertatu ziren. Gai batzuetan sakontzeko gogoz geratu ziren, beraz, baliteke hurrengo albistea uharteetatik egitea… 😉
