Joan den Urriaren 13an, Sustraiak Habitat Design Koop.-ko David González-ek, REAS Euskadiren ordezkari gisa, agerraldia egin zuen Eusko Legebiltzarreko Ekonomiaren Garapen eta Berrikuntza Batzordean, Euskadiko Landa Garapenerako Lege Proiektuari ekarpenak egiteko.
Gure zibilizazioak muga planetarioen aurka talka egitearen lehen inpaktuak sentitzen hasi garen testuinguru honetan, oinarrizko jarduera produktiboak birlokalizatzeko premia dagoela onartzen dugu, elikadura kasu. Are gehiago hirien inguruan.
Elikagaien egungo ekoizpen-eredua jasanezina da. Kalte larriak eragiten ditu ekosistemetan, komunitateetan eta lurzoruen degradazioan, eta atmosferara berotegi-efektuko gasak isurtzearen eta, beraz, klima-aldaketaren erantzule nagusietako bat da. Gainera, erregai fosilekiko duen mendekotasun handiak arriskuan jartzen du gure gizarteen elikadura-segurtasuna, ongarri kimikoak ekoizteko planten itxierak frogatzen duen bezala.
Eredu agroekologikoetarako trantsizioa ahalik eta lasterren egin behar da, eta hori planifikatu egin behar da, hurbileko ekoizpena eta kontsumoa politika publikoen bidez lotuz. Landa-garapenerako eredu bat behar dugu, garatzen den bioeskualdearen muga biofisikoetara egokitzeko gai izango dena, Ekonomia Sozial eta Solidarioaren printzipio eta praktiketan oinarrituko dena eta klima-aldaketaren aurkako borrokan eraginkorra izango dena. Azken batean, Lurraldearen Kudeaketa Agroekologikoan oinarritutako eredu berri bat behar dugu.
Agerraldiaren bideoa ikus daiteke, eta webgune honetan, berriz, Batzordearen hitzartzeen estekak.
