Sendotzen programan parte hartuko duten enpresak hautatu ondoren, orain prestakuntza-saio batzuk ireki ditugu Ekonomia Sozial eta Solidarioaren (ESS) balioetatik indartu nahi duten enpresentzat..
Sendotzen formakuntza eta aholkularitza programa bat da, beren negozioak sendotu nahi dituzten 5 urtetik beherako ESSko enpresa eta erakundeei zuzendua. prESStatzen-en osagarri (ESSaren proiektu ekintzaileak sortzeko eta abian jartzeko programa), Sendotzen ekimen berriek enpresa-ibilbideko lehen urteetan dituzten beharrei erantzuteko asmoarekin atera da.
Saio irekiak
Sendotzen programa osoan parte hartzeko aukerarik ez duten ESSko erakundeentzat 2022ko urriaren 25etik abenduaren 1ra, zenbait saio ireki egingo ditugu EKONOPOLOan:
| URRIAK 25 10:00 – 13:30 | DENBORA MODU BIZIGARRIAN KUDEATUZ Lanaren, rolen eta aberastasunaren banaketa kontuan hartuko duen denbora kudeatzeko proposamen bat eraikitzeko gakoak, bizitzaren ikuspegi ekitatibo eta jasangarri batetik. |
| AZAROAK 8 10:00 – 13:30 | KOMUNIKAZIOA, VISUAL THINKINGAREN BIDEZ Zer eta nola komunikatzen dugu? Kontaketa korporatiboa berrikusi eta lantzea, Visual Thinking teknika erabiliz. |
| AZAROAK 22 10:00 – 13:30 | EKONOMIA- ETA FINANTZA- PROPOSAMENA BERRIKUSTEN Enpresaren urteko kontuen berrikuspen kritikoa eta hobetzeko proposamenak ESSaren balioetatik. |
| ABENDUAK 1 10:00 – 12:30 | ESS-AREN IBILBIDEA Ibilbide ludikoa Bilboko ESSako hainbat enpresetatik, haien balio-proposamena eta eskaintza ezagutzeko. |
EKONOPOLOaren esparruan
Bai Sendotzen programa osoa baita saio irekiak EKONOPOLOaren, Ekonomia Sozial eta Solidarioaren Poloaren, barruan kokatzen dira, Bilbao Ekintza eta REAS Euskadiren artean koordinatua eta Bilboko San Frantzisko auzoan kokatua. EKONOPOLOA ESSaren inguruan lan egiten duten eragileek esperientziak, proiektuak eta baliabideak aurkitu eta partekatzeko erreferentziazko espazioa da. Aldi berean, ESSaren beraren bozgorailu eta enpresa-ideia berrien azeleragailu ere bada.
Programari buruzko informazio gehiago hemen. Izena emateko sartu presstatzen.reaseuskadi.eus webgunean eta bete formularioa saio bakoitzean parte hartzeko.
